und wia kumman goa net zspät,
weu i mit mia rechzeidig von daham weggeh.
de koatn kriag ma a gaunz gschwind,
weu i sofuat waß, wo i sitzn wü.da füm is goa net schlecht.
maunchmoi is a lustig,
maunchmoi is a zum fiachtn,
oba i muass ma net sogn,
waunn i de augn wieda aufmochn kau,
weu i s beim fiachtn goa net zuamoch.
nochhea muass i üban füm goa nix redn,
weu ma eh scho wissn, wos i ma drüba denk.
beim wiatn wechsl ma nochhea net drei moi den tisch,
weu i sofuat fia mi an schenan plotz find.
da köna braucht de koatn goa nimma bringa,
weu i glei bestö.
und i brauch mi vom essn und vom rotwein
net kostn lossn.
beim hamgeh muass i ma goa net sogn,
wia i mi umoama soi,
weu i mi eh de gaunze zeit gspia.
und beim eischlofn bin i wia imma mit mia ala.
sog,
wia haumma des so laung zu dritt ausghoidn?
a. w.
